bahi touch: றம்பொட சுரங்கப்பாதை திறப்பு விழா

Friday, February 22, 2008

றம்பொட சுரங்கப்பாதை திறப்பு விழா

கம்பளை- நுவரெலியா வீதியில் அமைக்கப்பட்டுள்ள இலங்கையின் முதலாவதும் பிரதானமானதுமான றம்பொட சுரங்கப்பாதை மக்களின் பாவனைக்காக ஒப்படைக்கும் நிகழ்வு எதிர்வரும் 24 ஆம் திகதி ஞாயிற்றுக்கிழமை முற்பகல் 10.30 மணிக்கு இடம்பெறவுள்ளது.
நெடுஞ்சாலைகள் வீதி அபிவிருத்தி அமைச்சர் ஜெயராஜ் பெர்னாண்டோ புள்ளே தலைமையில் இடம்பெறவுள்ள இந்நிகழ்வில் இலங்கைக்கான ஜப்பானிய தூதுவர் கியோசி அராக்கி கலந்துகொள்ளவுள்ளார்.

No comments:

இணைய வானொலிச் சேவை!

பிரான்சு தமிழர் ஒருங்கிணைப்புக் குழுவினால் நாளாந்தம் நடாத்தப்பட்டு வரும் தொலை பேசிச் செய்தித் தொகுப்பைத் தொடர்ந்து பலரின் வேண்டுகோளுக்கு இணங்க இந்த இணைய வானொலிச் சேவையை பிரான்சு தமிழர் ஒருங்கிணைப்புக் குழு ஊடகப் பிரிவு ஆரம்பித்துள்ளது. http://tccfradio.radio12345.com/

சூரியனையும் சந்திரனையும் ஆராய செய்கோள்

சூரியனை ஆராய்ச்சி செய்ய இந்தியா செய்கோளை் ஒன்றினை அனுப்பி வைக்கவுள்ளது. ''ஆதித்தியா'' என்று அழைக்கப்படும் இந்த செய்கோள் 100 கிலோ எடை கொண்டுள்ளது.
பூமியின் சுற்றுவட்ட பாதைக்கு அருகே 600 கி. மீ தொலைவில் இருந்தபடி ஆய்வு மேற்கொள்ளும் "ஆதித்யா' செய்கோள், கரோனா மின்காந்த புலத்தில் இருந்து வெளியாகும் கதிர்வீச்சு மற்றும் சூரியனில் இருந்து வெளியாகும் கதிர்களின் தன்மை குறித்து ஆய்வு செய்யும் எனத் தெரிவிக்கப்பட்டுள்ளது.
''ஆதித்தியா'' செயற்கைக்கோள் 2012-ம் ஆண்டு ஏவப்படவுள்ளது. சூரியன் சுற்றுப் பாதையில் 600 கி.மீ. தொலைவில் இது நிலை நிறுத்தப்படவுள்ளது.
இதேபோல் சந்திரனை ஆய்வு செய்வதற்கென உருவாக்கப்பட்டுவரும் செய்கோள் இந்த வருடம் நடுப்பகுதியில் ஏவப்படவுள்ளதாகத் தெரிவிக்கப்பட்டுள்ளது. சந்திரனை ஆராயும் செய்கோளுக்கு "சந்திராயண்'' எனப் பெயரிடப்பட்டுள்ளது

ஆடுக‌ள் ப‌லி‌யிட‌ப்படு‌ம் ‌திரு‌விழா!

மத்தியப் பிரதேச மாநிலத்தில் அடர்த்தியான சத்புரா வனப்பகுதியில் சிலகாலத்திற்கு முன்பு வாழ்ந்த சிவபாபா என்ற துறவியின் கோவிலில் நடைபெறும் விழா அசாதாரணமானது! வசந்த் பஞ்சமி அன்று துவங்கி அமாவாசை வரை நடைபெறும் இவ்விழாவில் பல்லாயிரக்கணக்கான பக்தர்கள் கலந்துகொண்டு ஆடுகளை பலியிடுகின்றனர். கண்ட்வாவில் இருந்து 55 கி.மீ. தூரத்தில் உள்ள ஒரு இடத்தில் நடைபெறும் சிவ பாபா விழாவிற்கு வரக்கூடிய பக்தர்கள், தங்களுடைய வேண்டுதலை நிறைவேற்றிய சிவ பாபாவிற்கு ஆடுகளை பலியிட்டு நேர்த்திக் கடன் கழிக்கின்றனர். இப்பகுதியில் வாழ்ந்த சிவ பாபா பல அதிசயிக்கத்தக்க சக்திகளைக் கொண்டிருந்ததால், அவரை சிவபெருமானின் அவதாரமாகவே இப்பகுதி மக்கள் கருதியுள்ளனர். இங்கு வாழும் ஜோவிநாத் என்ற துறவி, சிவ பாபா வாழ்ந்த இவ்விடம் மிகச் சக்தி வாய்ந்தது என்றும், இங்கு வந்து வழிபடும் மக்களின் வேண்டுதல் நிறைவேறுகிறது என்றும் கூறினார். தங்களுடைய வேண்டுதலை தெரிவிக்க குடும்பத்துடனும், நண்பர்களுடனும் இங்கு வரும் பக்தர்கள் தங்களோடு மலர்களால் அலங்கரிக்கப்பட்ட ஆடுகளையும் கொண்டு வருகின்றனர். அந்த ஆடுகளின் மீது சிவ பாபா கோவிலின் பூசாரி புனித நீரைத் தெளித்ததும் அவைகள் அங்குள்ள விக்ரகத்தின் முன்னால் கொண்டு செல்லப்பட்டு பலியிடப்படுகின்றன.
பலியிடப்பட்ட ஆடுகளின் இறைச்சியை பிரசாதமாக மக்களுக்கு அளிக்கின்றனர். அதனைப் புனிதமாகக் கருதி பக்தர்கள் உண்கின்றனர். ஆனால், இறைச்சியை அப்பகுதியில் இருந்து எடுத்துச் செல்ல யாரும் அனுமதிக்கப்படுவதில்லை. ஏராளமான ஆடுகள் பலியிடப்பட்டும் அவ்விடத்தில் ஒரு ஈயோ எறும்போ கூட இல்லாததற்குக் காரணம், சிவ பாபாவின் சக்திதான் என்று கூறுகின்றனர். நாங்களும் அப்பகுதியை சுற்றிச் சுற்றி வந்து பார்த்தோம். ஒரு ஈ, எறும்பு கூட எங்கள் கண்ணில் படவில்லை. ஒவ்வொரு ஆண்டும் இரண்டு லட்சத்திற்கும் மேலான ஆடுகள் இங்கு பலியிடப்படுகின்றன. நமது கேள்வியெல்லாம், இப்படிப்பட்ட பலிகளின் மூலம் கடவுளை மகிழ்விக்க முடியுமா என்பதே.

கலாட்டா கற்பனை

ஷங்கர் மாதவனும் சந்தன கடத்தல் வீரப்பனும் கண்டுகொண்டேன் கண்டுகொண்டேன் படம் பார்க்க போறாங்க.படத்தில் சந்தனத் தென்றலை.... பாட்டு பார்த்துட்டு வீரப்பன் ஒரே குஷியாயிட்டார்.சங்கர் மாதவன் கிட்ட வீரப்பன் சொல்றாரு, நீ ஏன் இந்த பாட்டை என்ன வச்சி பாடக் கூடாதுன்னு?உடனே சங்கர் மாதவன் இப்படி பாடுறாரு...சந்தன தென்றலை வீரப்பன் கடத்துதல் நியாயமா? நியாயமா?கவர்மென்ட் கேள்விக்கு வீரப்பன் பதில் என்ன மெளனமா? மெளனமா?அன்பே உந்தன் மீசை முறுக்க நொடி ஒன்று போதுமே.... அதை நீயும் ஷேவ் பண்ணதானே ஒரு ஆயுள் வேண்டுமே....?அவ்ளோதான்... பாட்ட கேட்ட வீரப்பன் ரொம்ப சந்தோஷமாகி சங்கர் மாதவனுக்கு ஒரு பெரிய சந்தன மரக்கட்டையை பரிசாக அளிக்கிறார்

தூண்டில் - விமர்சனம்!

காதலியை ஏமாற்றிவிட்டு வேறொருத்தி கழுத்தில் தாலி கட்டும் காதலனை காதலி பழிவாங்கும் கதை. எப்படி பழிவாங்குகிறார் என்பதில் வாடகைதாய் சமாச்சாரத்தைப் புகுத்தி சவாரஸ்யப்படுத்த முயன்றிருக்கிறார் கே.எஸ். அதியமான்! கணவன், மனைவியாக வரும் ஷாம், சந்தியாவின் நெருக்கமும், உருக்கமும் நேர்த்தி. காதலனால் கைவிடப்பட்டு அவனைப் பழிவாங்கும் வன்மத்துடன் திரியும் திவ்யாவின் மிடுக்கும், துடுக்கும் கிளாஸ். இந்த இரு பெண்களுக்கும் நடுவில் மத்தளமாக ஷாம். வெகுளியாக குழைவதாகட்டும், வெகுண்டெழுந்து சீறுவதாகட்டும், இயலாமையில் குமைவதாகட்டும்... ஒவ்வொரு காட்சியிலும் அனாயசமாக ஊதித் தள்ளுகிறார் சந்தியா. சாவித்ரி, ரேவதி வரிசையில் தாராளமாக சந்தியாவுக்கும் தரலாம் ஒரு சிம்மாசனம்! கோபப்படவும் முடியாது, குலுங்கி அழவும் முடியாது. அப்படியொரு சூழலில் ஓர் ஆண் மகன் என்ன செய்வான்? அதை அளவு மீறாமல் செய்திருக்கிறார் ஷாம். திவ்யா ஷாமின் முன்னாள் காதலி என தெரியவரும் போது சின்ன ஷாக். கோர்ட்டில் நான்தான் குழந்தையின் உண்மையான அம்மா என்று அவரே அடுக்கடுக்காக காரணம் சொல்லும் போது, அடப்பாவி என சொல்ல வைக்கிறார். எளிமையான இந்த காதல் த்ரில்லருக்கு எம் டி.வி ஸ்டைலில் எடிட்டிங் செய்திருப்பது பூனைக்கு புலி வேஷம் போட்ட மாதிரியிருக்கிறது. ஷாம் டெலிஃபோனில் நம்பர் போடும் காட்சியை குளோசப்பில் இரு வேறு கோணங்களில் ஒரே நேரத்தில் திரையில் காட்டுகிறார்கள். இது எதற்கு? நடப்பது, பேசுவது என எல்லா காட்சிகளும் இப்படி இரண்டு மூன்று தனித்தனி காட்சிகளாக திரையில் காட்டப்படுகிறது. காட்சிகள் மாறும்போது பயன்படுத்தியிருக்கும் எடிட்டிங் யுக்திகளும் கதைக்கு எந்த வகையிலும் பயன்படவில்லை. மாறாக படம் மீதான பார்வையாளனின் ஓர்மையை சிதைக்கவே உதவுகின்றன.